काठमाडौं । लिभरपुलले फुलहृयामका मिडफिल्डर हार्वे एलियटलाई अनुबन्ध गरेको छ ।
१६ वर्षीय एलियटलाई इंग्लिस क्लब लिभरपुलले आज अनुबन्धन गरेको हो । गत सिजनमा फुलहृयामबाट वोल्भसविरुद्ध डेब्यु गरेका युवा खेलाडी एलियट इंग्लिस प्रिमियर लिग खेल्ने कम उमेरका खेलाडी हुन् ।
उनलाई लिभरपुलले आज हुने नेपोलीविरुद्धको खेलमा टिममा पार्ने उल्लेख गरेको छ । उनलाई भित्र्याउन स्पेनिस क्लब रियल मड्रिडदेखि फ्रान्सेली क्लब पेरिस सेन्ट जर्मेन, इंग्लिस क्लब म्यान्चेस्टर सिटीको दौडधुप थियो । तर उनी अन्तिममा लिभरपुलमा अनुबन्धित भएका हुन् ।
