स्याङ्जा । बुटवलबाट पर्वततिर आउँदै गरेको बसमा आइरहेका स्याङ्जाका ४ जना युवा लागुओैषधसहित वालिङ्मा पक्राउ परेका छन्।
पक्राउ पर्नेमा भीरकोट नगरपालिकाका ३६ वर्षीय भिमबहादुर सेन,२६ का सुमसिंह ठकुरी, वालिङ् नगरपालिकाका २४ का सुवास सेन र २१ वर्षीय राम बईक हुन्। उनीहरुको साथबाट १६ दशमलब ७५ ग्राम लागुऔषध खैरो हेरोइन जस्तो पदार्थ फेला परेको प्रहरीले जनाएको छ।
ना ६ ख १२६७ नम्बरको बसमा आइरहेका उनीहरुमाथि शंका लागेपछि खानतलासी गर्दा खैरो हेरोइन (ब्राउन सुगर) जस्तो पदार्थसहित ती युवा पक्राउ गरिएको प्रहरी नायब उपरीक्षक नविनकृष्ण भण्डारीले जानकारी दिए।
जिल्ला अदालतबाट म्याद थप भई अनुसन्धान जारी रहेको प्रहरीले जानकारी दिए।