धरान । घर नजिकैको पोखरीमा पौडी खेल्ने क्रममा डुबेर एक बालकको मृत्यु भएको छ।
शुक्रबार दिउँसो पाखरीमा पौडी खेल्ने क्रममा सुनसरी इनरुवा नगरपालिका–७ का १३ वर्षीय अर्पण खवासको मृत्यु भएको प्रहरीले जनाएको छ।
डुबेर बेहोस भएका उनलाई उपचारका लागि जिल्ला अस्पताल सुनसरी लैजाने क्रममा बाटोमा मृत्यु भएको सुनसरीका प्रहरी प्रमुख एसपी यज्ञविनोद पोखरेलले जानकारी दिए।
घटनाबारे अनुसन्धान सुरु गरिएको एसपी पोखरेलले बताए।