काठमाडौं । पूर्व युवराज्ञी हिमानी शाहले पत्रकार सम्मेलन गर्न लागेकी छिन् ।
हिमानी ट्रष्टले पत्रकार सम्मेलन गरेर आफ्ना धारणा राख्न लागेको पूर्वराजा ज्ञानेन्द्र शाहको सचिवालयले जनाएको छ ।
पूर्वराजाका संवाद सचिव डा. फणिराज पाठकले ट्रष्टको कार्यालय बालुवाटारमा आज अपरान्ह १ बजे पूर्व युवराज्ञी हिमानी शाह उपस्थित भएर पत्रकार सम्मेलन गर्न लागेको बताए ।
हिमानी ट्रस्टकी अध्यक्ष हुन् भने पूर्व राजा ज्ञनेन्द्र शाह ट्रस्टका संरक्षक रहेका छन् ।पछिल्लो समय हिमानी शाह ट्रष्ट मार्फत सामाजिक सेवामा सक्रिय रहँदै आएकी छिन् । बाढी, पहिरोका बेलामा राहतमा ट्रस्ट सक्रिय रहने गरेको छ ।
