काठमाडौं । दल नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’लाई राजालाई राष्ट्रिय प्रजातन्त्र पार्टी (राप्रपा)का अध्यक्ष कमला थापाले काउन्टर दिएका छन् ।
पूर्वप्रधानमन्त्री समेत रहेका प्रचण्डले रामेछाप पुगेर पूर्वराजा ज्ञानेन्द्र शाहलाई नागार्जुन दरबारबाट निकाल्ने चेतावनी दिएलगत्तै राप्रपा अध्यक्ष थापाले सिसाको घरमा बसेर ढुंगा नहान्न चेतावनी दिएका हुन् ।
सुनकोसी नदीमा बनेको पक्की पुल उद्घाटन गर्न आइतबार रामेछाप पुगेका प्रचण्डले ज्ञानेन्द्रले बकबक गरेको भन्दै नारायणहिटीबाट जस्तै गरी नागार्जुनबाट पनि निकाल्ने चेतावनी दिएका थिए । प्रचण्डले शाहलाई चेतावनी दिएको ५ घण्टा नबित्दै राप्रपा अध्यक्ष कमल थापाले सामाजिक सञ्जाल ट्वीट मार्फत प्रचण्डलाई ‘सीसाको घरमा बसेर जनयुद्धकालीन भाषा नबोल्न’ चेतावनी दिएका हुन् ।
उनले पदिय मर्यादा विपरित हाँस्यास्पद अभिव्यक्ति नदिन र असुरक्षित मनस्थितिको आक्रोश नपोख्न समेत प्रचण्डलाई आग्रह गरेका छन् । ‘पदिय मर्यादा विपरित हाँस्यास्पद अभिव्यक्ति, असुरक्षित मनस्थितिको आक्रोश, राम्रो काम गरेर जनताको मन जित्नोस, कसै प्रति आक्रोश देखाउनै पर्दैन । सिसाको घरमा बसेर ढुंगा हान्ने काम प्रत्युपादक हुन सक्छ । समय मै बिचार गरौं । जनयुद्धकालिन शब्द र भाषा पनि अब सुहाउदैन,’ थापाले ट्वीटगर्दै भनेका छन् ।
शनिबार मात्रै एक कार्यक्रममा राप्रपा अध्यक्ष कमल थापाले सरकार होइन, व्यवस्था नै फेर्नुपर्ने बताएका थिए । थापाको नाम नलिइ नेकपा प्रचण्डले आइतबार जिन्दगीभर तानाशाहहरुको चाकरी गर्नेहरुले अहिले सरकार र व्यवस्थाकै विरोधमा प्रचार गरिरहेको टिप्पणी समेत गरेका थिए ।
