काठमाडौं । प्रतिनिधिसभाले पूर्वसभामुख सुवासचन्द्र नेम्वाङको नेतृत्वमा संसदीय विशेष समिति गठन गरेको छ ।
सार्थक वार्ता तथा संवाद मार्फत् संसदको वर्तमान गतिरोध अन्त्य गरि संसदलाई प्रभावकारी बनाउने निष्कर्षमा पुगेको भन्दै फेरि यस्तो गतिरोधको अवस्था उत्पन्न नहोस् भन्नाका लागि संविधान, नियम र स्थापित परम्परा अनुसार आवश्यक अध्ययन गरी सुझाव दिन समिति गठन गरिएको हो ।
उक्त समितिमा नेकपाका देव गुरूङ र विन्दा पाण्डे, कांग्रेसका पुष्पा भुसाल गौतम र मिनेन्द्र प्रसाद रिजाल, राजपाका लक्ष्मणलाल कर्ण र समाजवादीका उमाशंकर अरगरिया रहेका छन् ।
