सिरहा । सिरहाबाट फरार प्रतिवादीको रुपमा रहेका एक जना पक्राउ परेका छन् । पक्राउ पर्नेमा सिरहाको बिष्णु पुर गाउँपालिका–३ राजपुरका २० बर्षिय रुपेश कुमार यादव रहेका छन् ।
डाका मुद्दामा केही दिनदेखि फरार रहेका यादवलाई सिरहा प्रहरीले शनिबार पक्राउ गरेको हो । ईलाका प्रहरी कार्यालय बिष्णुपुरबाट खटिएको नेपाल प्रहरीको टोलीले सूचनाको आधारमा पक्राउ गरेका छन ।
डाका मुद्दा परेका यादव बिगत केहि दिनदेखि छिमेकी मुलुक भारतमा लुकिछिपी बस्दै आएका थिए ।
पक्राउ परेका यादवलाई जिल्ला प्रहरी कार्यालय सिरहामा राखी थप अनुसन्धान भइरहेको जिल्ला प्रहरी कार्यालय सिरहाका प्रहरी प्रवक्ता अपिलराज बोहराले बताए ।