काठमाडौं । प्रिसिजन अन्तर्गतको मैत्रीपूर्ण खेलमा स्पेनिस महारथी बार्सिलोना र रियल म्याड्रिड विजयी भएका छन् ।
अमेरिकामा बिहीबार बिहान भएको खेलमा बार्सिलोनाले इटालियन क्लब नापोलीलाई २–१ गोलले हरायो । अर्को खेलमा रियल म्याड्रिडले अष्ट्रियाको रेडबुल साल्जबर्गलाई १–० गोलले हरायो । बार्सिलोनाको जितमा सर्जियो बुस्केट र इभान र्याकीटिच ले समान एक एक गोल गरे । यता स्यामुएल उम्टिटीले भने आत्मघाती गोल गरे ।
खेलको ३९औँ मिनेटमा बुस्केटले पहिलो गोल गरेका थिए ।डिबक्सबाट गरेको सशक्त प्रहारलाई नापोलीका गोलरक्षकले रोक्न भ्याएनन् । त्यसपछि नापोलीले ४२ औँ मिनेटमा आत्मघाती गोल सहयोगमा मिनेटमा बराबरी गोल फर्कायो । बार्सिलोनाका उम्टिटीको प्रहार आत्मघाती गोलमा परिणत भएको थियो ।
त्यसपछि बार्सिलोनाले ७९औं मिनेटमा निर्णायक गोल गरेको थियो ।र्याकीटिचको लामो दुरीबाट गरेको सशक्त प्रहार सोझै गोलमा परिणत भएको थियो ।त्यसपछि दुवै टोलीले गोल गर्न सकेनन् र बार्सिलोना विजयी भयो ।
यता रियलको जितमा इडेन हाजार्डले निर्णायक गोल गरेका थिए । हाजार्डले १९औं मिनेटमा गरेको गोल नै निर्णायक बनेको थियो । रियलमा हजार्डको यो डेब्यु गोल हो ।
रियलका प्रशिक्षक जिनेदिन जिदानले ग्यारेथ बेललाई यस खेलमा पनि टोलीमा राखेका थिएनन् । चीनको शीर्ष क्लब जाने प्रक्रियामा रहेका बेललाई रियल व्यवस्थापनले क्लब छाड्न दिएको छैन ।
