किर्गिस्तानका पूर्व राष्ट्रपति अलमाज्बेक अताम्बेवलाई पक्राउ गर्न पुगेका सुरक्षाकर्मी र समर्थकबीच विवाद हुँदा दोहोरो भिडन्त भएको छ । भिडन्तमा एक जना सुरक्षाकर्मीको मृत्यु भएको छ भने दुबै पक्षबाट ३६ जना घाइते भएका छन् ।
पूर्व राष्ट्रपति अताम्बेवलाई भ्रष्टाचारको आरोप लागेको छ तर उनले यस विषयलाई अस्विकार गर्दै आएका थिए । किर्गिस्तानको राष्ट्रिय सुरक्षा कमिटिले पूर्व राष्ट्रपति अताम्बेवलाई पक्राउ गर्न चलाइएको विशेष अभियानको क्रममा सुरक्षाकर्मीले रबरका गोली चलाएको भन्दै आलोचना गरेका छन् । संसदले गएको जुनमा उनीबाट सुरक्षा सुविधा खोसेको थियो ।
उनलाई पक्राउ गर्न ५० जना भन्दा बढीको संख्यामा गएका सुरक्षाकर्मीको प्रयास असफल भएको छ । सत्तामा रहँदा पूर्व राष्ट्रपति अताम्बेबले राज्यको सम्पती दुरुपयोग गर्नुका साथै करौंडौ रुपैयाँको भ्रष्टाचार गरेको आरोप लागेको थियो ।
