काठमाडौं । जिल्ला प्रशासन कार्यालय काभ्रेपलाञ्चोकले तीजमा पार्टी प्यालेसमा दर खान निषेध गरेको छ ।
प्रशासन काभ्रेपलाञ्चोकद्वारी जारी विज्ञप्तीमा दर खाने तथा भेटघाट कार्यक्रम गर्ने, गरगहना प्रदर्शन गर्ने, फजुल खर्च गर्ने, विभिन्न साङ्गीतिक कार्यक्रमका नाममा ध्वनि प्रदूषण गराउनेजस्ता असामाजिक क्रियाकलाप नगर्न समेत चेतावनी दिएको छ ।तीजमा दर खाने, व्रत बस्ने तथा भगवान् शिवको आराधना गरी नाचगान गरेर मौलिकता संरक्षण गर्न कार्यालयले अपिल गरेको छ ।
कार्यालयको आग्रह बेवास्ता गरी क्रियाकला गरेको पाइए सामाजिक सुरक्षा ऐन–२०३३ अनुसार कारवाही गरिने प्रमुख जिल्ला अधिकारी जयबहादुर रानामगरले जानकारी दिए ।
आगामी भाद्र शुक्ल द्धितीयादेखि पञ्चमीसम्म मानिने हरितालिका तीजमा यी गतिविधि नगरी सभ्यपूर्वक मनाउन अपिल गरेको हो ।
