काठमाडौंः वेस्ट इन्डिज भ्रमणमा रहेको भारतीय टिमले वेस्ट इन्डिजलाई पहिलो एक दिवसीय क्रिकेट खेलमा ५९ रनले पराजित गरेको छ । ट्रिनीड्याडको पोर्ट अफ स्पेनमा खेलिएको पहिलो खेलमा वर्षाले केही समय खेल रोकिएको थियो । डकवर्थ लेविस नियमका आधारमा भारत विजयी भएको हो ।
टस जिती पहिले ब्याटिङ गरेको भारतले निर्धारित ५० ओभरमा २७९ रन बनाएको थियो । भारतीय कप्तान विराट कोहलीले सर्वाधिक १२० तथा श्रेयस अयरले ७१ रनको महत्वपूर्ण पाली खेलेका थिए ।
जितका लागि ४६ ओभरमा २७० रन बनाउनुपर्ने संशोधित चुनौती पाएको वेस्ट इन्डिज ४२ ओभरमा २१० रनमै अलआउट भयो ।
वेस्ट इन्डिजका लागि ३००औं अन्तर्राष्ट्रिय एकदिवसीय खेल खेलिरहेका प्रारम्भिक ब्याट्सम्यान क्रिस गेल पुनः असफल भए । ११ रनमा आउट भएका गेललाई भारतीय बलर भुवनेश्वर कुमारले एलबीडब्लु आउट गरेका थिए ।
भारतका लागि भुवनेश्वर कुमारले ४ विकेट लिएका थिए ।
खेलमा म्यान अफ द प्लेयरको उपाधि भारतका कप्तान कोहलीले पाए ।
तीन खेलको एक दिवसीय शृंखलामा भारतले १-० ले अघि भएको छ । यसअघि तीन खेलको टी२० पनि भारतले नै जितेको थियो ।