काठमाडौं । सगरमाथासहित अन्य हिमालमा आरोहणमा अधिक चापका कारण आरोहीको मृत्यु नभएको सरकारी समितिले बताएको छ । गत बसन्त ऋतुमा सगरमाथासहित विभिन्न हिमाल आरोहणको क्रममा मृत्यु भएका १५ जनाको मृत्यु भएको थियो ।
संस्कृति पर्यटन तथा नागरिक उड्डयन मन्त्रालयका सहसचिव घनश्याम उपाध्यायको संयोजकत्वमा गठित कार्यदलले सगरमाथामा ट्राफिक जाम भएको कुरा कतैबाट पुष्टि नभएको निष्कर्ष निकालेको छ।
यसवर्ष निरन्तर मौसम प्रतिकुल रहेको र आरोहीको योजना तत्काल परिवर्तन गर्नुपरेका कारण मे महिनाको २२ र २३ गते सबैभन्दा बढी आरोहण भएको र एकै समयमा धेरै आरोही चुचुरोतर्फ लाग्दा लामो लाइन देखिएको समितिको निश्कर्ष छ । समितिका अनुसार करिब दुई घन्टा त्यस्तो लाइन बनेको थियो ।
‘हामीले कतैबाट पनि जाम भएको र त्यही कारण आरोहीको मृत्यु भएको भन्ने तथ्य भेटाएनौं, जाम होइन लामचाहिँ भएको हो,’ बुधबार प्रतिवेदन सार्वजनिक गर्दै उपाध्यायले भने।जामकै कारण मृत्यु भएको भन्ने आरोपलाई सबैभन्दाले आरोहण गरेको दिनको मृत्युदर ०.००४ प्रतिशतले खण्डन गर्ने उनको तर्क छ।
समितिले प्रतिवेदनमा आगामी दिनमा सरोकारवाला निकायले हिमाल आरोहणमा देखिएका समस्या समाधान गर्न सुझावसमेत दिएको छ ।
कतिपय अवस्थामा आरोहीले जसरी पनि आरोहण गरिछाड्ने ढिपीले पनि जोखिम निम्त्याएको समितिले प्रतिवेदनमा उल्लेख गरेको छ । आगामी दिनमा स्वास्थ परीक्षण अनिवार्य र स्वघोशणा गरेपछि मात्र अनुमति दिने व्यवस्था गर्न सिफारिस गरिएको छ ।
प्रतिवेदनको पूर्ण पाठः
