नवलपरासी । नवलपरासीको चोरमारामा मंगलबार विहान बसको ठक्करबाट एकजना साइकल यात्रुको मृत्यु भएको छ । मृत्यु हुनेमा भारतको मोतिहारी बलुवाका ३६ वर्षीय मोहम्मद साहबिर आलम रहेका छन् ।
काठमाडौंबाट महेन्द्रनगर जाँदै गरेको ना५ख ४८६ नम्बरको बसको ठक्करबाट मध्यविन्दु नगरपालिका–७ चोरमारा बजारमा प्लाष्टिकको पसल गरी बसेका आलमको मृत्यु भएको जिल्ला प्रहरी कार्यालय नवलपुरका प्रहरी नायव उपरीक्षक (डीएसपी) अर्जुन रानाभाटले बताए ।
बसको ठक्करबाट गम्भीर घाइते भएका आलमको मध्यविन्दु जिल्ला अस्पताल डण्डामा उपचारको क्रममा मृत्यु भएको हो ।
