काठमाडौं । अस्ट्रेलियाका स्टीभ स्मीथ आईसीसी टेस्ट ब्याटसम्यानहरुको वरियताको शीर्ष स्थानमा उक्लेका छन् ।वेस्ट इन्डिजबिरुद्ध जमाइकामा खेलिएको टेस्टमा शुन्य रनमा आउट भएपछि भारतका कप्तान विराट कोहलीलाई उछिन्दै उनि पहिलो स्थानमा उक्लिएका हुन् । दोस्रो स्थानमा भने कोहली रहेका छन् ।
सन् २०१५ डिसेम्बरदेखि स्मीथ लगातार टेस्ट ब्याटिङको वरियतामा शीर्ष स्थानमा थिए । न्युल्याण्ड बल टेम्परिङमा प्रतिबन्ध खेपेपछि मात्र सन् २०१८ को अगस्तमा कोहलीले स्मीथलाई उछिन्न सकेका थिए । टेस्टमा उनको औसत ६३.२ रहेको छ ।
स्मीथ र कोहलीपछि शीर्ष १० स्थानमा क्रमशः केन विलियमसन, चेतेश्वर पुजारा, हेनरी निकोल्स, जो रुट, अजिंका रहाने, टम लाथम, दिमुथ करुनारत्ने र एइडेन मारक्राम रहेका छन् ।
