काठमाडौं । नेपाली कांग्रेसकी सांसद डिला संग्रौला पन्तले नेपालगञ्जबाट लगिएका गाई सुर्खेतमा मृत भेटिएको घटना गौहत्या हो भन्दै यसमा संलग्नलाई कारबाही गर्न माग गरेकी छन् ।
बुधबार प्रतिनिधिसभाको विशेष समयमा बोल्दै सांसद संग्रौलाले यस्ता घटना घटाएर जघन्य अपराध गर्नेलाई आजसम्म किन कारबाही नगरिएको भन्दै आक्रोश पोखेकी थिइन् । उनले प्रश्न गरिन्– ‘नेपालमा यसरी नै गौहत्या बर्जित हुँदा पनि यो घटना घट्दै जानु अत्यन्त निन्दनीय छ ।’
सांसद पन्तले खोटाङको दिक्तेल नगरपालिकामा कुकुर मारिएको घटनाको पनि विरोध गरेकी छन् । उनले पशु अधिकारवादीको कुरा सुनेर कुकुर मार्ने काम बन्द गर्न आग्रह गरेकी छन् ।
केही दिनअघि नेपालगञ्ज उपमहानगरपालिकाबाट दैलेखको शिरस्थानतर्फ लगिएको गाईमध्ये २४ वटा सुर्खेतको सानो ब्युरेनी र कटकुवामा मृत भेटिएको थियो ।
