• १७ असार २०८१, सोमबार
  •      Mon Jul 1 2024
  •   Unicode
Logo

७ टन छोकडासहित ट्रक चालक पक्राउ



वीरगञ्ज । वीरगञ्जबाट प्रहरीले नेपालबाट भारततर्फ अवैध निकासी गर्न लागिएको ७ टन छोकडा बरामद गरेको छ । बरामद गरिएको छोकडाको बजार मुल्य ७ लाख ७० हजार रुपैयाँ रहेको अनुमान प्रहरीले गरेको छ ।

नेपालबाट भारततर्फ अवैध रुपमा छोकडा निकासी हुँदै गरेको सूचनाको आधारमा इलाका प्रहरी कार्यालय पोखरीयाको टोलीले भदौ २१ गते राति पोखरीया नगरपालिका वडा नं. ३ बसतपुरबाट स्थित ना ७ ख ३९८८ नं. को ट्रकमा भारततर्फ निकासी गर्न लागेको १४० बोरा छोकडा नियन्त्रणमा लिएको हो ।

प्रहरीले ट्रक चालक वीरगञ्ज–१६ बस्ने ३८ बर्षिय बिजय साह तुरहालाई पनि नियन्त्रणमा लिएको छ ।

त्यसैगरि पर्साको छिपहरमाई गाउँपालिका वडा नं ५ भिश्वाबाट प्रहरीले ६ टन छोकडा बरामद गरेको छ । १०० बोरा ६ हजार ९ सय ४० किलो अन्दाजी ७ लाख ६३ हजार ४ सय रुपैयाँ बराबरको छोकडा बरामद गरेको छ ।

छिपहरमाई–५ भिष्वा पुग्दा वेवारिसे अवस्थामा खाली खेतमा त्रिपालले छोपी राखेको अवस्थामा छोकडा बरामद गरिएको थियो ।