काठमाडौँ। विभिन्न प्रदेश सरकार गठनमा सहकार्यको यात्रा आरम्भ गरेको नेपाल कम्युनिष्ट पार्टी (एमाले) र नेपाली कम्युनिष्ट पार्टी (नेकपा) ले लुम्बिनी प्रदेश सरकार गठनमा नेकपा (मसाल)सँग पनि सहकार्य गर्ने भएको छ ।
एमालेका अध्यक्ष केपी शर्मा ओली, नेकपाका संयोजक पुष्पकमल दाहाल ‘प्रचण्ड’ र मसालका महामन्त्री मोहनविक्रम सिंहद्वारा हस्ताक्षरित विज्ञप्तिमा लुम्बिनी प्रदेश सरकार गठन र सो प्रदेशका विकास निर्माण कार्यमा सहकार्य गर्ने जनाइएको छ । विज्ञप्तिमा राष्ट्रिय स्वाधीनता, संविधान र गणतन्त्रका पक्ष तथा प्रतिगमनका विरुद्धको आन्दोलनमा पनि सहकार्य गर्ने उल्लेख छ ।
यही साउन ९ गते दुई ठूला वाम दलबीच प्रदेश सरकारहरूको नेतृत्वका सम्बन्धमा शीर्ष तहमा सहमति भएको थियो ।
