काठमाडाैँ । बागलुङको काठेखोला गाउँपालिका–३ धम्जामा चक्कु प्रहारबाट एक मजदुरको मृत्यु भएको छ।
जिल्ला प्रहरी कार्यालय बागलुङका सूचना अधिकारी रामेश्वर त्वातीका अनुसार आपसी विवादका क्रममा ढोरपाटन नगरपालिका–५ का २५ वर्षीय अर्जुन घर्तीले चक्कु प्रहार गर्दा ढोरपाटन नगरपालिका–७ का ४० वर्षीय अशोक खत्रीको घटनास्थलमै मृत्यु भएको हो।
घटना गएराति भएको प्रहरीले जनाएको छ। घटनापछि प्रहरीले खत्रीको हत्या अभियोगमा घर्तीलाई नियन्त्रणमा लिएको छ।
घर्तीलाई हिरासतमा राखेर अनुसन्धान गर्न अनुमति लिन जिल्ला अदालत बागलुङमा उपस्थित गराइएको प्रहरीले जनाएको छ। घटनाबारे थप अनुसन्धान भइरहेको छ।
