वीरगञ्ज । प्रहरीले स्रोत नखुलेको ५२ लाख ५० हजार रुपैयाँसहित चार जनालाई पक्राउ गरेको छ ।
वीरगञ्ज महानगरपालिका–१० बाट प्रहरीले भारतको बिहारका सुरज कर्ण, बाराको प्रसौनी गाउँपालिकाका उपेन्द्र साह र सागरकुमार सर्राफ तथा पर्साको विन्दवासिनी गाउँपालिका–१ का राहुलकुमार गुप्तालाई पक्राउ गरेको हो ।
प्रहरीले उनीहरूलाई शंकास्पद अवस्थामा फेला पारी खानतलासी गर्दा स्रोत नखुलेको ५२ लाख ५० हजार रुपैयाँ बरामद गरेको जनाएको छ ।
पक्राउ परेका चारै जनामाथि बरामद रकमको स्रोत तथा कारोबारसम्बन्धी विषयमा थप अनुसन्धान भइरहेको जिल्ला प्रहरी कार्यालय पर्साका प्रहरी नायब उपरीक्षक चक्रबहादुर मल्लले जानकारी दिनुभयो ।
प्रहरीका अनुसार बरामद रकम अवैध कारोबारसँग सम्बन्धित भए/नभएको विषयमा समेत अनुसन्धान भइरहेको छ।
