काठमाडाैँ । जिल्ला प्रशासन कार्यालय सिरहाले गोलबजार नगरपालिकाको बजार क्षेत्रमा जारी कर्फ्यु आदेश खुकुलो बनाएको छ ।
प्रशासनले सुरक्षा अवस्थाको विश्लेषण गर्दै आज २०८३ साल साउन १७ गते बिहान १० बजेदेखि राति ७ बजेसम्मका लागि कर्फ्यु खुकुलो बनाएको हो ।
प्रमुख जिल्ला अधिकारी सुरेन्द्र पौडेलद्वारा जारी सूचनामा स्थानीय परिस्थितिको थप विश्लेषण गरी कर्फ्यु थप खुकुलो पार्ने वा पूर्ण रूपमा हटाउने सम्बन्धमा पुनः सूचना जारी गरिने जनाइएको छ ।
कर्फ्यु खुकुलो पारिएको अवधिमा गोलबजार क्षेत्र हुँदै सञ्चालन हुने लामो दूरीका सवारीसाधनको आवतजावतमा आवश्यक सहजीकरण गरिने प्रशासनले जनाएको छ । साथै, कर्फ्यु खुकुलो रहेको समयमा पाँच जनाभन्दा बढीको समूहमा भेला नहुन प्रशासनले सबैमा अनुरोध गरेको छ ।
