जेरुसेलम । इजरायलका राष्ट्रपति रेउभेन रिभ्लीनले नयाँ सरकार गठनका लागि आइतबारदेखि परामर्श गर्ने भएका छन् । नयाँ सरकार गठन गर्न कस्ले सक्छ भन्ने बारेमा उनले निर्णय गर्न परामर्श गर्न लागेको अधिकारीहरुको भनाई छ ।
राष्ट्रपति रिभ्लीनले संसदमा निर्वाचित दलहरुको बैठक आयोजना गरेका छन् । बैठकमा उनले नयाँ प्रधानमन्त्रीका लागि कस्लाई सिफारिस गर्ने भनेर दलका नेताहरुलाई सोध्ने भएका छन् । त्यसपछि मात्रै उनले नयाँ सरकार गठनका लागि सिफारिस गर्ने भएका छन् । कुल १२० सिटका लागि भएको निर्वाचनको मतगणना अहिलेसम्म ९७ प्रतिशत भइसकेको समाचारमा जनाइएको छ ।
निर्वाचनको अन्तिम परिणाम अहिलेसम्म घोषणा भएको छैन । अहिलेसम्मको मतगणना अनुसार सवैभन्दा धेरै सिट जितेको पार्टीका नेता गान्जले आफ्नो नेतृत्वमा सरकार गठनका लागि अहिलेका प्रधानमन्त्री नेतान्याहूलाई आह्वान गरेका छन् ।
