काठमाडाैँ । नेपाली कांग्रेसका सभापति गगन थापाको काठमाडौंको रातोपुलस्थित निवासअगाडि पनि शंकास्पद रूपमा एउटा गाडी पार्क गरेर छाडिएको पाइएको छ।
बा.ए.सी. ९५७५ नम्बरको उक्त गाडी बिहान करिब ७ बजेदेखि निवासको मूल प्रवेशद्वारअगाडि पार्क गरिएको स्थानीयले बताएका छन्। गाडी यसरी राखिएको छ कि मोटरसाइकलसमेत आवतजावत गर्न नसक्ने अवस्था सिर्जना भएको छ।
यसअघि आजै काठमाडौंका विभिन्न सञ्चारगृहका मूल प्रवेशद्वारअगाडि पनि सवारी साधन पार्क गरेर अवरोध सिर्जना गरिएको थियो। ती सवारी साधनलाई प्रहरीले क्रेन प्रयोग गरी हटाएको थियो।
सभापति थापाको निवासअगाडि पार्क गरिएको गाडीबारे प्रहरीले अनुसन्धान गरिरहेको जनाएको छ। गाडी कसले र किन त्यहाँ छाडेको हो भन्ने विषयमा थप विवरण आउन बाँकी छ।
