काठमाडौं । कान्तिपुर, अनलाइनखबरलगायत विभिन्न सञ्चारमाध्यमका कार्यालयअगाडि शंकास्पद रूपमा पार्क गरिएको गाडी प्रहरीले क्रेनको प्रयोग गरी हटाएको छ।
सोमबार बिहान कार्यालयभित्र सवारी प्रवेशमा अवरोध हुने गरी मुख्य गेटअगाडि पार्क गरिएको गाडीका कारण पत्रकारहरूको आवतजावत प्रभावित भएको थियो। रिपोर्टिङका लागि बाहिर जानुपर्ने पत्रकारहरू समेत केही समय रोकिएका थिए।
घटनाबारे जानकारी पाएपछि प्रहरी घटनास्थलमा पुगेको थियो। सुरक्षा सतर्कता अपनाउँदै प्रहरीले गाडीको निरीक्षणपछि क्रेनको सहायताले हटाएको हो।
गाडी कसले, किन र कहिले त्यहाँ पार्क गरेको हो भन्ने विषयमा प्रहरीले अनुसन्धान गरिरहेको जनाएको छ। घटनाबारे थप विवरण आउन बाँकी छ।
