काठमाडौं । कान्तिपुर, अनलाइनखबरलगायत विभिन्न सञ्चारमाध्यमका कार्यालयअगाडि शंकास्पद रूपमा एउटा गाडी पार्किङ गरिएपछि पत्रकारहरूको आवतजावत प्रभावित भएको छ।
कार्यालयको मुख्य गेटमै गाडी पार्क गरिएको कारण पत्रकारहरूलाई सवारीसहित कार्यालय प्रवेश तथा बाहिर निस्कन कठिनाइ भएको छ। रिपोर्टिङका लागि बाहिर जानुपर्ने पत्रकारहरू समेत केही समय रोकिएका छन्।
घटनाबारे सम्बन्धित सुरक्षा निकायलाई जानकारी गराइएको छ। गाडी शंकास्पद देखिएपछि सुरक्षा सतर्कता अपनाइएको बताइएको छ।
घटनास्थलमा प्रहरी पुगेर गाडीबारे अनुसन्धान गरिरहेको छ। गाडी कसले, किन र कहिले पार्क गरेको हो भन्ने विषयमा थप विवरण आउन बाँकी रहेको छ।
