काठमाडौं। उज्यालो नेपाल पार्टीका अध्यक्ष एवम् पूर्वऊर्जामन्त्री कुलमान घिसिङले गणेश नेपालीको आत्महत्या राष्ट्रिय लज्जाको विषय भएको बताउनु भएको छ ।
सामाजिक संञ्जालमा एक राख्दै घिसिङले गणेशको मृत्यु केवल एउटा व्यक्तिको मृत्यु नभै राज्यप्रति नागरिकको घट्दो भरोसा भएको टिप्पणी गर्नुभएको छ ।
उहाँले लेख्न्नुभएको छ
राज्यको विभेद र भौगोलिक रूपमा दशकौँदेखि पछाडि पारिएको कर्णालीको मुगुबाट हजारौँ सपना बोकेर राजधानी आएको एक युवा(गणेश नेपाली(को दु:खद निधनको खबरले मन अत्यन्तै स्तब्ध र भावविह्वल भएको छ। राइड सेयरिङ गरेर आफ्नो र परिवारको जीविकोपार्जन गर्दै संघर्षरत एक युवाले राज्यका नीति, प्रशासनिक व्यवहार र परिस्थितिबाट निराश भई आत्मदाहको प्रयास गर्न बाध्य हुनु र अन्तत: ज्यान गुमाउनुपर्ने अवस्था आउनु हामी सबैका लागि गम्भीर प्रश्न र राष्ट्रिय लज्जाको विषय हो। उनको मृत्यु केवल एउटा व्यक्तिको मृत्यु होइन, यो राज्यप्रति नागरिकको घट्दो भरोसा र श्रम गरेर सम्मानपूर्वक बाँच्न खोज्ने एक युवाले आत्मदाहको प्रयासपछि ज्यान गुमाउनुपर्नु केवल एउटा व्यक्तिको मृत्यु होइन, यो राज्यको संवेदनशीलतामाथि उठेको गम्भीर प्रश्न हो।
स्वर्गीय गणेश नेपालीप्रति हार्दिक श्रद्धाञ्जलि। शोकसन्तप्त परिवारजनप्रति गहिरो समवेदना । गरिब, निमुखा वा दुर्गममा जन्मिनु कुनै अपराध होइन। इमानदारीपूर्वक श्रम गरेर बाँच्न खोज्नु पनि अपराध होइन। तर पछिल्ला दिनहरूमा राज्यका नीति र व्यवहारले गरिब, श्रमिक र सुकुम्बासीलाई झन् बढी हतोत्साहित र विस्थापित गरिरहेको अनुभूति बढ्दो छ। राज्यको पहिलो दायित्व नागरिकलाई सम्मानका साथ बाँच्ने अवसर र आशा दिनु हो, निराशा होइन। अब यस्तो पीडादायी घटना दोहोरिन नदिन राज्यले संवेदनशील, न्यायपूर्ण र मानवकेन्द्रित नीति अवलम्बन गर्नुपर्छ। हरेक नागरिकले आफ्नो श्रम, सम्मान र अधिकारसहित बाँच्न पाउने वातावरण निर्माण गर्नु नै साँचो लोकतन्त्रको परिचय हो।
