काठमाडौं । कञ्चनपुरका पत्रकार खेम भण्डारीलाई जिल्ला अदालतको फैसला कार्यान्वयनका क्रममा प्रहरीले पक्राउ गरेको छ।
जिल्ला प्रहरी कार्यालय कञ्चनपुरले बिहीबार अदालतको आदेश कार्यान्वयन गर्ने क्रममा भण्डारीलाई नियन्त्रणमा लिएको जनाएको छ।
प्रहरीका अनुसार भण्डारीविरुद्ध दर्ता भएको गालीगलौज सम्बन्धी मुद्दामा जिल्ला अदालतले एक महिना ७ दिन कैद तथा जरिवानाको फैसला सुनाएको थियो। सोही फैसला कार्यान्वयनका लागि उनलाई पक्राउ गरिएको हो।
प्रहरीले पक्राउ परेका भण्डारीलाई आवश्यक कानुनी प्रक्रिया पूरा गरी कारागार चलान गरिने जनाएको छ।
