काठमाडौं । जबरजस्ती करणीको अभियोग लागेका निवर्तमान सभामुख कृष्णबहादुर महरालाई जिल्ला अदालत काठमाडौंमा उपस्थित गराइएको छ ।
महरालाई अनुसन्धानका लागि पहिलोपटक म्याद थपका लागि आज अदालतमा उपस्थित गराएको हो । प्रहरीले पक्राउ गरेसँगै उच्च रक्तचाप र तनावका कारण नर्भिक अस्पतालमा भर्ना भएका उनलाई त्यहाँबाट सिधै काठमाडौं जिल्ला अदालत लगिएको हो ।
संसद सचिवालयकी कर्मचारी रोशनी शाहीले आफूमाथि बलात्कार प्रयास भएको भन्दै महानगरीय प्रहरी वृत्त वानेश्वरमा किटानी जाहेरी गरेपछि प्रहरीले महरालाई असोज १९ गते पक्राउ गरेको थियो ।
