लस एन्जलस। फ्रान्स र नर्वेबीच शुक्रबार विश्वकपको महत्वपूर्ण समूह ‘आई’ को निर्णायक खेलमा लयमा रहेका गोलकर्ता किलियन एमबाप्पे र एर्लिङ हालान्डबीच रोमाञ्चक भिडन्त हुने भएको छ ।
रियल मड्रिडका स्टार एमबाप्पे र म्यानचेस्टर सिटीका स्ट्राइकर हाल्यान्डले प्रतिस्पर्धाको सुरुवातदेखि नै उत्कृष्ट प्रदर्शन गरेका छन् । अर्जेन्टिनाका लियोनल मेसी पाँच गोलसहित गोल्डेन बुटको दौडमा पहिलो स्थानमा रहेपनि एमबाप्पे र हाल्यान्ड दुवैले ४–४ गोल गरेका छन् र गोल्डेन बुटको दौडमा दोस्रो स्थानमा छन् ।
स्थानीय समय अनुसार शुक्रबार दिउँसो ३ः०० बजे बोस्टनको फक्सबरोमा हुने यो भिडन्तमा समूहको शीर्ष स्थानका लागि प्रतिस्पर्धा हुनेछ ।
सेनेगल र इराकलाई सहजै हराएको फ्रान्सको प्रदर्शन प्रभावशाली छ । उनीहरूको राम्रो गोल अन्तरका कारण फ्रान्सलाई समूहको पहिलो स्थानमा रहनका लागि बराबरी मात्र काफी छ ।
त्यसैगरी नर्वेको पनि अहिलेसम्मको खेलमा निकै राम्रो प्रदर्शन भइरहेको छ । नर्वेले आफ्नो पहिलो खेलमा इराकलाई ४–१ ले हराएको थियो भने सोमबार सेनेगललाई ३–२ ले पराजित गरेको थियो ।
पहिलो पटक विश्वकप खेलिरहेका २५ वर्षीय हाल्यान्डप्रतिको विश्वव्यापी ध्यानाकर्षणले उहाँलाई थप उत्साहित बनाएको छ । उहाँको आक्रामक र उत्साही खेलशैलीले फ्रान्सको अनुभवी प्रतिरक्षालाई पनि चुनौती दिन सक्छ ।
सेनेगलमाथिको जितपछि अन्तिम ३२ मा स्थान बनाएपछि हल्यान्डले फ्रान्ससँग खेल्नु कुनै चिन्ताको बिषय नभएको बताउनुभएको थियो । नर्वेलाई उपाधि दाबेदार हो भनी सोधिएको सवालमा उहाँले प्रतिस्पर्धामा रहेको कुनै पनि टोलीको उद्देश्य राम्रो नतिजा हात पार्नु रहने बताउनुभएको थियो ।
“बिल्कुल पनि विश्वकप जित्ने अभिलाषा कुनै पनि खेलाडीको लागि सुनौलो सपना हुन्छ,तर निर्णय ९० मिनेटको प्रतिस्पर्धामा खेलमा टोलीले समात्ने लयले निर्धारण गर्छ,” उहाँले फक्स टेलिभिजनसँग भन्नुभयो ।
“हामीले अहिले १२ खेलमा लगातार जित हासिल गरेका छौँ। म एउटा विशेष कुराको हिस्सा बनेको छु, इतिहास रचिरहेको छु र नर्वेजियन भएकोमा अत्यन्त गर्व गरिरहेको छु”, उहाँले थप्नुभयो, “फ्रान्ससँग खेल्नु ‘मेरो लागि कुनै विशेष होइन ।”
“हामीहरूले उनीहरूमाथि जित्ने सम्भावना जति रहेको छ त्यति नै सम्भावना उनीहरूको रहन्छ । त्यो सबै खेलले बताउनेछ,” उहाँले भन्नुभयो ।
फ्रान्स र एमबाप्पेको तयारीमा यस हप्ता टोलीका व्यवस्थापक दिदिएर देसाम्प्सको आमाको निधनले टोलीलाई अस्थायी रूपमा सहायक प्रशिक्षक गाई स्टेफानले देसाम्प्सले हेर्नुहुनेछ ।
यद्यपि फ्रान्स समूहमा दोस्रो भएमा जुलाई १९ को फाइनलसम्मको बाटो थप कठिन हुन सक्ने भएकाले कुनै गल्ती गर्न चाहँदैन ।
पराजय भएमा उनीहरूले अन्तिम ३२ मा आइभरी कोस्टसँग खेल्नुपर्नेछ, त्यसपछि सम्भवतः ब्राजिलसँग अन्तिम १६ मा खेल्नुपर्नेछ । फ्रान्सको क्वार्टरफाइनलमा इङ्ल्यान्ड र सेमिफाइनलमा अर्जेन्टिनासँग भेट हुन सक्नेछ ।
शुक्रबारका अन्य खेलहरूमा, स्पेनले मेक्सिकोको ग्वाडालाहारामा उरुग्वेसँगको खेलमा समूह ‘एच’ को शीर्ष स्थान पक्का गर्न प्रयास गर्नेछ ।
उरुग्वेलाई अन्तिम ३२ मा पुग्नका लागि यो खेलमा कम्तीमा एक अंक आवश्यक छ, किनकि उनीहरूले दोस्रो खेलमा कमजोर टोली केप भर्डेसँग २–२ को बराबरी खेलेका थिए ।
स्पेन बराबरीबाटै समूहको पहिलो स्थानमा पुग्नेछ।
केप भर्डेले भने साउदी अरबमाथि जित हासिल गर्दै आफ्नो सपना (अभियान) लाई जारी राख्ने प्रयास गर्नेछ ।
समूह ‘जी’ मा इजिप्टले सियाटलमा इरानलाई हराएर शीर्ष स्थान पक्का गर्न प्रयास गर्नेछ। यो खेल विवादास्पद बनेको छ।
यो खेल सियाटलमा गौरवको उत्सवको भाग हो र स्थानीय अधिकारीहरूले यसलाई ‘प्राइड म्याच’ नाम दिएका छन् ।
इरान र इजिप्टका अधिकारीहरूले यो खेलको क्रममा हुने गौरव गाथाको विरोध गरेका छन् ।
इरानमा समलिङ्गी सम्बन्ध इस्लामिक कानुनअनुसार अवैध छ र मृत्युदण्डसम्म हुन सक्छ। इजिप्टमा पनि अस्पष्ट कानुनअन्तर्गत यसलाई दण्डनीय बनाइन्छ ।
समूह ‘जी’को को अर्को खेलमा, केभिन डे ब्रुइन र रोमेलु लुकाकु भएको बेल्जियमको टोलीले न्यूजिल्यान्डलाई हराएर नकआउट चरणमा पुग्ने प्रयास गर्नेछ ।
यदि उनीहरू सफल भए भने मोरक्को र ब्राजिलसँग हारेर तेस्रो स्थानको दर्जामा पुछारमा रहेको स्कटल्याण्डले बाहिरिनु पर्ने सम्भावना छ ।
“मलाई लाग्छ हामीले आफैँलाई अलिकति निराश बनायौँ”, स्कटल्याण्डका मिडफिल्डर लुइस फर्गुसनले भन्नुभयो, “केही खेल हेर्न र नतिजा पर्खन अलिक तनावपूर्ण हुनेछ, तर यो पर्खाइको खेल मात्र हो ।”
यसैबीच, इक्वेडरले जर्मनीमाथि २–१ को जित हासिल गरी अन्तिम ३२ मा स्थान बनाएको छ । विश्वप्रसिद्ध टोलीलाई हराएको उत्साहमा इक्वेडरमा शुक्रबारलाई सार्वजनिक बिदा दिइएको छ ।
