काठमाडाैँ । प्रधानमन्त्री वालेन्द्र (बालेन) शाहले मन्त्रिपरिषद् पुनर्गठन गर्दै नवनियुक्त मन्त्रीहरूको मर्यादाक्रम (वरीयता) पुनः निर्धारण गरेका छन्।
सम्पत्ति विवरणसम्बन्धी छानबिनपछि ‘क्लिन चिट’ पाएर गृह मन्त्रालयमा पुनः फर्किएका सुधन गुरुङ र नवनियुक्त विज्ञान, प्रविधि तथा नवप्रवर्तन मन्त्री महावीर पुनको नियुक्तिसँगै सरकारको नयाँ वरीयता तय गरिएको हो।
राष्ट्रपति कार्यालयले सार्वजनिक गरेको नयाँ मर्यादाक्रमअनुसार गृहमन्त्री सुधन गुरुङलाई मन्त्रिपरिषद्मा पाँचौं स्थान दिइएको छ। त्यस्तै, विज्ञान, प्रविधि तथा नवप्रवर्तन मन्त्रालयको जिम्मेवारी सम्हालेका महावीर पुन आठौं वरीयतामा परेका छन्।
नयाँ सूचीअनुसार प्रधानमन्त्रीपछि अर्थमन्त्री डा. स्वर्णिम वाग्ले दोस्रो स्थानमा छन् भने परराष्ट्रमन्त्री शिशिर खनाल तेस्रो र ऊर्जा, जलस्रोत तथा सिँचाइ मन्त्री विराजभक्त चौथो स्थानमा रहेका छन्। त्यसपछि गृहमन्त्री गुरुङ पाँचौं स्थानमा छन्।
नवप्रवर्तन मन्त्रालयको जिम्मेवारीसहित मन्त्री बनेका महावीर पुनलाई आठौं वरीयतामा राखिएको छ।
