काठमाडाैँ । पूर्व गृहमन्त्री तथा राष्ट्रिय स्वतन्त्र पार्टी (रास्वपा) का गोरखा क्षेत्र नम्बर १ का प्रतिनिधि सभा सांसद सुधन गुरुङ गोरखामा आयोजित रास्वपाको प्रथम ऐतिहासिक महाधिवेशनमा सहभागी हुन पुग्नुभएको छ ।
पार्टीको संगठन विस्तार, नीति तथा भावी रणनीति निर्माणलाई केन्द्रमा राख्दै आयोजित उक्त महाधिवेशनमा नेता तथा कार्यकर्ताहरूको उल्लेखनीय उपस्थिति रहेको जनाइएको छ । कार्यक्रममा सांसद गुरुङको सहभागिताले स्थानीय स्तरमा पार्टी गतिविधि थप सशक्त हुने अपेक्षा गरिएको छ ।
महाधिवेशनमा रास्वपाका केन्द्रीय तथा स्थानीय नेताहरूले समसामयिक राजनीतिक अवस्था, सुशासन, पारदर्शिता र जनउत्तरदायी शासन व्यवस्थाका विषयमा विचार–विमर्श गरेका थिए । साथै संगठनलाई अझ सुदृढ बनाउँदै आगामी राजनीतिक यात्रालाई व्यवस्थित रूपमा अघि बढाउने विषयमा समेत छलफल भएको बताइएको छ ।
गोरखामा आयोजित यस महाधिवेशनलाई पार्टीले ऐतिहासिक महत्वका रूपमा लिएको छ ।
