काठमाडौँ। सभामुख डोल प्रसाद (डीपी) अर्यालले सुदूरपश्चिम प्रदेशस्थित धार्मिक, पर्यटकीय तथा आर्थिक दृष्टिले महत्त्वपूर्ण क्षेत्रहरूको अवलोकन गर्नुभएको छ।
उहाँले अवलोकनका क्रममा भक्केनी धाम, ब्रह्मदेव, टनकपुर तथा प्रस्तावित सुख्खा बन्दरगाह क्षेत्रको स्थलगत निरीक्षण गर्नुभएको हो। यी क्षेत्रहरू धार्मिक आस्था, पर्यटन प्रवर्द्धन तथा अन्तरदेशीय व्यापारिक सम्भावनाका हिसाबले महत्वपूर्ण मानिन्छन्।
अवलोकन टोलीमा राष्ट्रिय सभाका सम्माननीय अध्यक्ष नारायण प्रसाद दाहाल, माननीय उपसभामुख रूबी कुमारी साह तथा राष्ट्रिय सभाकी उपाध्यक्ष लीला कुमारी भण्डारी को समेत सहभागिता रहेको थियो।
टोलीले सुदूरपश्चिमको विकास सम्भावना, धार्मिक पर्यटनको विस्तार तथा प्रस्तावित पूर्वाधार परियोजनाहरूको प्रभावकारी कार्यान्वयनका विषयमा समेत सरोकारवालासँग छलफल गरेको जनाइएको छ।
सरकारी तहमा यी क्षेत्रहरूको विकासलाई रणनीतिक महत्वका साथ अघि बढाउने अपेक्षा गरिएको छ, जसले सुदूरपश्चिम प्रदेशको आर्थिक तथा पर्यटन क्षेत्रलाई थप सुदृढ बनाउने विश्वास व्यक्त गरिएको छ।
