काठमाडाैँ । संविधान संशोधनसम्बन्धी बहसपत्र तयार गर्न गठित कार्यदलले आज उद्योग, वाणिज्य तथा निजी क्षेत्रसँग सम्बन्धित सरोकारवालाहरूसँग छलफल सुरु गरेको छ।
प्रधानमन्त्रीका राजनीतिक सल्लाहकार असिम शाहको संयोजकत्वमा गठित उक्त कार्यदलले प्रधानमन्त्री तथा मन्त्रिपरिषद्को कार्यालयमा दिउँसो ३ बजेदेखि छलफल प्रारम्भ गरेको हो।
संविधान संशोधनका विभिन्न विषयमा सरोकारवालाहरूबाट सुझाव संकलन गर्ने उद्देश्यले बैठक आयोजना गरिएको बताइएको छ।
