काठमाडौं । प्रधानमन्त्री बालेन्द्र शाह ले भोलि यहाँस्थित युरोपेली सङ्घ (इयू)मा आबद्ध देशका गैरआवासीय राजदूत तथा मिसन प्रमुखहरूसँग सामूहिक भेटवार्ता गर्नुहुने भएको छ ।
प्रधानमन्त्री शाहले भोलि बिहान ११ः३० बजे प्रधानमन्त्री तथा मन्त्रिपरिषद्को कार्यालयमा उनीहरूसँग संयुक्त भेट र छलफल गर्ने कार्यक्रम तय भएको छ ।
प्रधानमन्त्रीका प्रेस तथा अनुसन्धान विज्ञ दीपा दाहालका अनुसार उक्त सामूहिक भेटका क्रममा नेपालको वर्तमान प्राथमिकताबारे जानकारी गराइने, द्विपक्षीय सम्बन्धलाई थप सुदृढ बनाउने तथा सहकार्यका विविध विषयमा छलफल केन्द्रित रहनेछ ।
यसअघि चैत २५ गते पनि प्रधानमन्त्री शाहले नेपालस्थित विभिन्न देशका राजदूत तथा कूटनीतिक नियोग प्रमुखहरूसँग सामूहिक भेटघाट तथा छलफल गर्नुभएको थियो ।
यो भेटलाई नेपाल–युरोप सम्बन्ध विस्तार र कूटनीतिक सहकार्यलाई अझ मजबुत बनाउने अवसरका रूपमा हेरिएको छ ।
