काठमाडौं । प्रधानमन्त्री बालेन शाहले दोस्रोपटक संयुक्त रूपमा २३ युरोपेली मुलुकका राजदूत तथा कूटनीतिज्ञहरूसँग भेटवार्ता गर्ने भएका छन्।
मंगलबार हुने उक्त भेटमा विभिन्न युरोपेली देशका राजदूत तथा उपराजदूतहरूको सहभागिता रहनेछ। यसअघि पनि शाहले विदेशी राजदूतहरूलाई छुट्टाछुट्टै नभई सामूहिक रूपमा भेट्ने परम्पराको सुरुआत गरेका थिए, जसलाई कूटनीतिक वृत्तमा सकारात्मक रूपमा हेरिएको थियो।
भेटवार्तामा अस्ट्रिया, बेल्जियम, बुल्गेरिया, साइप्रस, चेक गणतन्त्र, डेनमार्क, इस्टोनिया, फिनल्याण्ड, फ्रान्स, जर्मनी, ग्रीस, इटाली, लिथुआनिया, लक्जेम्बर्ग, नेदरल्यान्ड्स, पोल्यान्ड, पोर्चुगल, रोमानिया, स्लोभाकिया, स्लोभेनिया, स्पेन र स्विडेनका राजदूत तथा उपराजदूतहरू सहभागी हुने जनाइएको छ।
प्रधानमन्त्री शाहको यो पहललाई नेपाल र युरोपेली मुलुकबीचको कूटनीतिक सम्बन्धलाई थप प्रभावकारी बनाउने प्रयासका रूपमा हेरिएको छ।
