काठमाडौं । सभामुख डोलप्रसाद (डीपी) अर्यालले लैनचौरस्थित उपराष्ट्रपति निवास पुगेर सम्माननीय उपराष्ट्रपति रामसहाय प्रसाद यादवसँग शिष्टाचार भेटवार्ता गर्नुभएको छ ।
भेटवार्ताका क्रममा समसामयिक राजनीतिक अवस्था, संघीय लोकतान्त्रिक गणतन्त्रको सुदृढीकरण, संसदको प्रभावकारी सञ्चालन तथा राष्ट्रिय हितसँग सम्बन्धित विभिन्न विषयमा छलफल भएको बताइएको छ ।
सभामुख अर्याल र उपराष्ट्रपति यादवबीच लोकतान्त्रिक संस्थाहरूलाई थप मजबुत बनाउने, संसदलाई जनउत्तरदायी र प्रभावकारी बनाउँदै लैजाने विषयमा समेत विचार आदानप्रदान भएको थियो ।
उपराष्ट्रपति निवास लैनचौरमा भएको भेट सौहार्दपूर्ण वातावरणमा सम्पन्न भएको जनाइएको छ ।
