काठमाडौं । नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानको तेस्रो बैठक यही जेठ १३ गते दिउँसो १:०० बजे बस्ने भएको छ।
पार्टी केन्द्रीय कार्यालयमा बस्ने उक्त बैठकमा प्रतिष्ठानका पदाधिकारी तथा सदस्यहरूको उपस्थितिका लागि अनुरोध गरिएको छ।
बैठकका एजेन्डाहरूमा दोस्रो बैठकमा तय गरिएका उपसमिति संयोजकहरूले अवधारणा पत्र प्रस्तुत गर्ने, थप उपसमिति संयोजकको जिम्मेवारी निर्धारण गर्ने, प्रदेशस्तरीय कार्यक्रमहरूको समीक्षा गर्ने तथा विविध विषयहरूमा छलफल गर्ने रहेको छ।
केन्द्रीय नीति, अनुसन्धान तथा प्रशिक्षण प्रतिष्ठानका कार्यवाहक मुख्य सचिव कृष्णप्रसाद दुलालले बैठकमा उपस्थितिका लागि अनुरोध गरेका छन्।
