काठमाडौं । सत्तारूढ दल नेपाल कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ र अर्का अध्यक्ष समेत रहेका प्रधानमन्त्री केपी शर्मा ओलीबिच मन्त्रिपरिषद् हेरफेर लगायतका विषयमा छलफल भएको छ ।
बालुवाटार स्रोतका अनुसार आइतबार अपराह्न १ बजेतिर प्रचण्ड बालुवाटार पुगेका थिए । ‘समसामयिक विषयमा पछिल्लो विकसित घटनाक्रम, मन्त्रिपरिषद् हेरफेर लगायतका कुरा भएको,’ स्रोतले भन्यो, ‘मन्त्रिमण्डल हेरफेर गर्न दुवै अध्यक्ष सहमत भएका छन् । उवनिर्वाचन अघि गर्ने कि पछि भन्नेमा लामो छलफलपछि आगामी बुधबार मन्त्रीमण्डल हेरफेर हुनसक्ने’ स्रोतले बतायो ।
प्राप्त अर्को समाचार अनुसार परराष्ट्रमन्त्री प्रदीप ज्ञवालीलाई प्रधानमन्त्रीको प्रमुख राजनीतिक सल्लाकारमा नियुक्त गरिने भएको छ । तर परराष्ट्रमन्त्रीमा भने कसलाई ल्याउने भन्नेवारे सहमति भएको छैन ।
