काठमाडौं । संविधान संशोधनका लागि बहसपत्र तयार गर्न गठित कार्यदलले विभिन्न राजनीतिक व्यक्तित्वसँग छलफल सुरु गरेको छ।
प्रधानमन्त्री तथा मन्त्रिपरिषद्को कार्यालयमा आज भएको छलफलमा कार्यदलले संविधान संशोधनसम्बन्धी बहसपत्रका लागि सुझाव संकलन गरेको हो। कार्यदलको संयोजन प्रधानमन्त्रीका राजनीतिक सल्लाहकार असिम शाहले गरेका छन्।
छलफलमा सहभागी राजनीतिक व्यक्तित्वहरूले संविधान संशोधनका विभिन्न पक्षमा आफ्ना धारणा तथा सुझाव प्रस्तुत गरेका थिए। कार्यदलले प्राप्त सुझावलाई समेट्दै बहसपत्रलाई अन्तिम रूप दिने जनाएको छ।
