डडेलधुरा । डडेलधुरा पुगेर अनसन बसेका डाक्टर गोबिन्द केसीले आफ्ना लागी डाक्टर नपठाऊन सरकारलाई आग्रह गरेका छन् । १७औं अनसनको ९औं दिनमा डाक्टर केसीले थप उपचार गर्न अस्वीकार गरेका हुन् ।
डाक्टर केसीले डडेलधुरा अस्पतालमा दरबन्दी अनुसारका चिकित्सक पठाउनुपर्ने भन्दै स्वास्थ्य मन्त्रालयले उपचारका लागि पठाएका डाक्टरबाट थप उपचार गर्न मानेका छैनन् ।
उनले मेरा लागि त सहयोगी छँदैछन, जनताका लागि चिकित्सक आवश्यक छ, उनका लागि पठाउनु पर्यो भन्दै मन्त्रालयबाट आएका डाक्टरबाट उपचार नगराउने भन्दै केसीले बिरोध जनाएका छन् । स्वास्थ्य मन्त्रालयले भेरी अस्पतालबाट फिजिसियन डाक्टर राजेश मण्डललाई डा. केसीको थप उपचारका लागि पठाएको भएपनि डाक्टर केसीले मण्डलबाट उपचार गर्न अस्वीकार गरेको डडेलधुरा अस्पतालका मेसु डा.जितेन्द्र कडेल बताए ।
आफ्ना माग पूरा नहुँदासम्म कुनै पनि उपचार नगर्ने भन्दै डाक्टर केसीले सरकारले आफ्ना मागका विषयमा उदासिन भएको आरोप लगाएका छन् । डा।केसीले मन्त्रालयले उपचारका लागि डाक्टर पठाउने हो कि, मसँग गरेका सम्झौता र थप माग पूरा गर्ने हो, उनले भने ,’चिकित्सक नै पठाउने हो भने जनताका लागि डडेल्धरा अस्पतालमा दरबन्दीअनुसारका विषेशज्ञलाई पठाउनुपर्यो।’
