काठमाडाैँ। स्याङ्जाको वालिङ नगरपालिका क्षेत्रमा अवैध रूपमा नदिजन्य पदार्थ उत्खनन् तथा ओसारपसारमा संलग्न एक ट्याक्टर प्रहरीले नियन्त्रणमा लिएको छ।
जिल्ला प्रहरी कार्यालय, स्याङ्जाका अनुसार वडा प्रहरी कार्यालय वालिङबाट खटिएको प्रहरी टोलीले प्राप्त सूचनाका आधारमा वालिङ नगरपालिका–१ ओडारेस्थित आँधीखोला किनारबाट ढुंगा लोड गरिरहेको अवस्थामा ग.१ त. ७१६८ नम्बरको ट्याक्टर नियन्त्रणमा लिएको हो।
प्रहरीले नियन्त्रणमा लिएको ट्याक्टरलाई आवश्यक अनुसन्धान तथा कानुनी कारबाहीका लागि वालिङ नगरपालिकाको कार्यालयमा पठाइएको जनाएको छ।
