काठमाडौं । अमेरिकी राष्ट्रपति डोनाल्ड ट्रम्पले अमेरिका र इरानबीच भएको वार्ता फलदायी बनेको र इरानविरुद्ध हुने अमेरिकी आक्रमणहरू पाँच दिनका लागि रोक्ने निर्णय सार्वजनिक गर्नुभएको छ ।
ट्रम्पले सामाजिक सञ्जाल ट्रुथ सोसलमा दुई दिनदेखि भएका वार्ताहरू “धेरै राम्रो र उत्पादनमूलक” भएको जनाउनु भएको छ ।
ट्रम्पका अनुसार यी वार्ताहरू मध्यपूर्वमा जारी तनावलाई पूर्ण रूपमा समाधान गर्ने दिशामा केन्द्रित छन् र यस हप्ताभरि निरन्तर जारी रहनेछन्।
वक्तव्यमा भनिएको छ- वार्ताको सकारात्मक वातावरणलाई ध्यानमा राख्दै अमेरिकाले इरानका विद्युत् केन्द्र र ऊर्जा पूर्वाधारमाथि गरिने सबै प्रकारका सैन्य आक्रमणहरू ५ दिनका लागि स्थगित गर्ने निर्णय गरेको छ। यो निर्णय जारी छलफलको सफलतामा निर्भर रहने बताइएको छ।
यस कदमलाई क्षेत्रीय तनाव कम गर्ने प्रयासका रूपमा हेरिएको छ, र आगामी वार्ताहरूले स्थायी समाधानतर्फ मार्ग प्रशस्त गर्ने अपेक्षा गरिएको छ।
