काठमाडौं । पर्सा क्षेत्र नम्बर २ का नेकपाका उम्मेदवार मनोज चौधरी शंकास्पद बस्तुसहित पक्राउ परेका छन्।
चौधरीलाई शंकास्पद बस्तुसहित पक्राउ गरिएको जिल्ला प्रहरी कार्यालय पर्साले जनाएको छ। जिल्ला प्रहरी कार्यालय पर्साका डीएसपी हरिबहादुर बस्नेतका अनुसार गएराति नौ बजेतिर चौधरीसहित चार जनालाई पर्सागढी- ३ बडनियार चोकबाट नियन्त्रणमा लिएका हो ।
चौधरीसँगै नेकपाका नेताहरू सत्यनारायण दास र सुरज कार्की र गाडी चालक वीरगञ्ज–छपकैया निवासी शेख मुन्ना अन्सारी पनि पक्राउ परेका छन्।
चौधरी सवार बा।१० च १२५० नम्बरको गाडी भित्र टिनको बक्सामा खैरो टेपले बेरिएको, कालो र रातो तार बाहिर निकालिएको अवस्थामा शंकास्पद वस्तु भेटिएको बस्नेतले जानकारी दिनुभयो ।
घटनाबारे थप अनुसन्धान भइरहेको प्रहरीले जनाएको छ।
