पाटन (ललितपुर), १९ फागुनः ललितपुरको कुपण्डोलस्थित पुल्चोक इन्जिनियरिङ कलेज स्थित निभेन अमात्यले ७ तले भवनको माथिल्लो तलामा संचालन गरेको दाउरा थकालीमा लागेको आगो नियन्त्रणमा आएको छ ।
आज दिउँसो ३ः४५ बजेतिर विद्युत् सर्ट हुँदा भएको आगलागी ललितपुर महानगरको प्रहरीले बारुणयन्त्र प्रयोग गरी नियन्त्रणमा लिएको ललितपुर महानगरका प्रहरी प्रमुख सीताराम हाछेथुले जानकारी दिनुभयो । “हामीले तत्कालै पुगेर दाउरा थकालीमा भएको आगलागी नियन्त्रणमा लिएका छौँ, आगलागीबाट भएको क्षतिको विवरण आउन बाँकी छ”, उहाँले भन्नुभयो ।
आठौँ तलामा रहेको दाउरा थकाली रेष्टुराँ आगलागीबाट पूर्ण रुपमा जलेर नष्ट भएको उहाँले बताउनुभयो । आगलागीबाट कुनै मानवीय क्षति भने नभएको उहाँले जानकारी दिनुभयो ।रासस
