काठमाडौँ। आसन्न प्रतिनिधिसभा निर्वाचनलाई निष्पक्ष बनाउन नागरिक अगुवाहरुको समूहले अपिल गरेको छ ।
नागरिक अगुवाहरूका तर्फबाट डा चन्द्रमणि अधिकारी, प्रा डा केशव खड्का र डा शशिधर खनाललगायत विभिन्न क्षेत्रका ६४ जनाले आज संयुक्त अपिलपत्र जारी गरी निर्वाचन भयरहित वातावरणमा सम्पन्न गर्न अपिल गरेका हुन् ।
उक्त अपिलमा भनिएको छ, “भदौ २३ र २४ गतेको दुखद् एवं कहालिलाग्दो घटनापश्चात् यही फागुन २१ गते तय भएको प्रतिनिधिसभा सदस्य पदको निर्वाचन स्वतन्त्र, निष्पक्ष, तटस्थ एवं भयरहित वातावरणमा सम्पन्न गर्न गराउन हामी सचेत नागरिक निर्वाचन आयोग, नेपाल सरकार, राजनीतिक दल, आमसञ्चार जगत्, उम्मेदवार, मतदाता र सर्वसाधारण नागरिकमा हार्दिक अपिल गर्दछौँ ।” रासस
