काठमाडाैँ । प्रतिनिधिसभा सदस्य निर्वाचन आगामी फागुन २१ गते हुने भएसँगै पोखरामा आज नेपाली कांग्रेसले आमसभाको आयोजना गरेको छ।
पोखराको अमरसिंहचौरमा आयोजित आमसभालाई पार्टी सभापति गगनकुमार थापा र उपसभापति विश्वप्रकाश शर्माले सम्बोधन गर्नुहुनेछ भन्ने जानकारी नेपाली कांग्रेस कास्कीका सहसचिव तथा प्रवक्ता नविन सिग्देलले दिए । उनका अनुसार प्रदेशभित्रका १८ वटै निर्वाचन क्षेत्रका उम्मेदवारसहित नेता तथा कार्यकर्ता यस कार्यक्रममा सहभागी हुनेछन्।
प्रवक्ता सिग्देलले आमसभामार्फत कांग्रेसको नयाँ विचार, नीति, कार्यशैली र आगामी योजनाबारे जनतालाई प्रत्यक्ष सन्देश दिन लागिएको जानकारी दिए। निर्वाचन नजिकिँदै गएसँगै दलहरूले आफ्नो प्रचार-प्रसार तीव्र बनाएका छन्।
