काठमाडौं । पाकिस्तानमा सञ्चालन भएको नवौँ पाकिस्तान आर्मी टिम स्पिरिट प्रतियोगिता (9th Pakistan Army Team Spirit) मा नेपाली सेनाको टोलीले सर्वोत्कृष्ट अङ्क सहित स्वर्ण पदक प्राप्त गरी प्रथम स्थान हासिल गरेको छ ।
माघ २२ गतेदेखि २४ गतेसम्म पाकिस्तानको पन्जाब प्रान्तको खारियाँ स्थित National Counter Terrorism Centre (NCTC) मा पाकिस्तान सहित १७ राष्ट्रका ३८ वटा सैनिक टोलीहरूको सहभागिता सञ्चालन भएको उक्त सैन्य अभ्यासमा सहभागी टोलीहरू बिच शारीरिक सहिष्णुता, मानसिक दृढता, पेसागत ज्ञान, रण कौशल लगायतका दक्षताहरूको परीक्षण गरिएको थियो ।
सन् २०१६ बाट वार्षिक रूपमा सञ्चालन हुँदै आएको अन्तर्राष्ट्रिय स्तरको यस प्रतियोगितामा नेपाली सेनाले यस अघि सन् २०२२ र २०२५ मा समेत स्वर्ण पदक प्राप्त गरेको थियो ।
