गण्डकी। कस्केली अधिकृत समाजको ११औँ साधारणसभा तथा आठौँ अधिवेशनले चन्द्रबहादुर सुवेदीको अध्यक्षतामा नयाँ कार्यसमिति सर्वसम्मत निर्वाचित गरेको छ ।
समाजको उपाध्यक्षमा विष्णुप्रसाद पोखरेल, सचिवमा महेश पौडेल, सहसचिवमा वासुदेव पौडेल र कोषाध्यक्षमा शीला बराल सापकोटा निर्वाचित बन्नुभएको छ ।
यस्तै, समिति सदस्यमा अनिलकुमार शाही, सुमित्रा मल्ल (उदास), मैया पराजुुली, वसन्त चालिसे, चन्द्रवती अधिकारी (वाग्ले), अनिल सुवेदी, सन्ध्या पौडेल र अमृत कँडेल रहनुभएको छ । यसअघि कार्यक्रमको उद्घाटन गर्दै प्रदेश लोकसेवा आयोगका अध्यक्ष विष्णुप्रसाद नेपालले समाजका माध्यमबाट कास्की जिल्ला मात्र नभई समग्र गण्डकी प्रदेशलाई नेतृत्व गर्नुपर्ने आवश्यकता औँल्याउनुभयो ।
पोखरा स्वास्थ्य विज्ञान प्रतिष्ठानका उपकुलपति प्रा डा भरतबहादुर खत्रीले मानव जीवनमा सफलताका लागि निरन्तर क्रियाशील हुन आवश्यक रहेको बताउनुभयो ।
समाजका अध्यक्ष चन्द्रबहादुर सुवेदी, उपाध्यक्ष लोकनाथ दवाडी, सचिव महेश पौडेल, कर्मचारी मिलन केन्द्र कास्कीका अध्यक्ष लोकनाथ आचार्य, नेपाल पत्रकार महासङ्घ गण्डकीका अध्यक्ष रमेश पौडेललगायतले समाजका माध्यमबाट जिल्लाको समृद्धि र विकासमा महत्त्वपूर्ण योगदान गर्न सकिने धारणा राख्नुभयो ।
कार्यक्रममा समाजद्वारा प्रकाशित अधिकृत आवाज अङ्क ११ को लोकार्पण गरिएको थियो । यस्तै, समाजका संस्थापकद्वय तदर्थ समितिका अध्यक्ष शिवप्रसाद पराजुली र पहिलो कार्यसमितिका अध्यक्ष सिडिई कृष्णकान्त सिग्देल र कार्यसमितिको उत्कृष्ट पदाधिकारीमध्येबाट महेश पौडेललाई सम्मान गरिएको थियो । रासस
