काठमाडौं । भोजपुरी गायिका इन्दु सोनालीको आवाज रहेको रहेको गीत ‘हमनिके भागिया’ को भिडियो सार्वजनिक भएको छ । दर्जनौँ भोजपुरी गीतमा आवाज दिएकी सोनाली नेपाल भारत दुवैतर्फ परिचित गायिका हुन् ।
उपेन्द्र सहानीको शब्द रहेको गीतमा शिखर सन्तोषले संगीत भरेका छन् । आलोक शुक्लाले छायांकन गरेको भिडियोलाई भरत रेग्मीले सम्पादन गरेका छन् । पूर्णेन्द्रु झाले निर्देशन गरेको गीतको भिडियोमा नेपाली चलचित्र क्षेत्रकी लोकप्रिय अभिनेत्री केकी अधिकारी र विजय यादव निर्विजको अभिनय छ ।
