काठमाडौँ । नेकपा एमालेले कास्की क्षेत्र नम्बर २ मा उम्मेदवार परिवर्तन गरेको छ। पार्टीको सचिवालय बैठकले यसअघि सो क्षेत्रमा कृष्ण थापालाई उम्मेदवार बनाउने निर्णय गरेको थियो।
तर, पछि थापाकै प्रस्तावमा रश्मी आचार्यलाई उम्मेदवार बनाउने निर्णय गरिएको एमाले स्रोतले जनाएको छ।
पार्टीभित्रको सहमतिअनुसार उम्मेदवार परिवर्तन गरिएको बताइएको छ।
नव–उम्मेदवार आचार्य नेकपा एमालेका केन्द्रीय सदस्य हुन्। उनी पृथ्वीनारायण क्याम्पसको पूर्व स्वतन्त्र विद्यार्थी युनियन (स्ववियु) सभापति समेत रहिसकेका छन्।
