काठमाडौं । चीनका कोरोना भाइरस पीडितलाई संसद भवन खाली गरेर राख्न प्रस्ताव गरिएको छ । सांसद प्रदीप यादवले संसदमा चीनमा रहेका नेपालीहरुलाई ल्याएर राख्न र पाल टाँगेर संसद चलाउन आजको प्रतिनिधिसभाको मंगलबारको बैठकको शून्य समय यस्तो प्रस्ताव गरेका हुन् ।
सरकारले ५ दिनदेखि उनीहरुलाई राख्ने ठाउँ नपाएको भन्दै आएको तर काठमाडौं मै हायात होटेलको ३०४ रोपनी जग्गा कब्जा गरिएको भन्दै यदि त्यसो होइन भने त्यसलाई खाली गरेर उनीहरुलाई त्यहाँ ल्याएर राखेर जीवन बचाउन आग्रह पनि उनले गरेका थिए । सरकारले चीनमा रहेका नेपालीहरुको छिटो उद्दार गर्नुपर्नेमा आजको बैठकमा उठेका अधिकांश सदस्यहरुको भनाई रहेको थियो ।
शून्य समयमा उठेको प्रश्नको उत्तर दिँदै स्वास्थ्यमन्त्री भानुभक्त ढकालले बिरामीहरुबाट अरु संक्रमित नहुन् भन्नको लागि टाढाको ठाउँ खोज्नुपर्ने भन्दै त्यही कारण ठाउँ नपाएको बताए ।